språk
Gir tommel opp for «Kunnskapsbyen i Oslo»
Språkrådet var ikkje særleg nøgd med namnet Oslo Science City. Men no har det som vert kalla Noregs første innovasjonsdistrikt fått eit norsk namn.
Frå Majorstua, via Marienlyst og Blindern til Gaustad, Ullevål stadion og Radiumhospitalet. Det er området dei 16 medlemmane, mellom anna Universitetet i Oslo, Oslo kommune og Forskningsparken i Oslo, fram til no har kalla Oslo Science City — Noregs første innovasjonsdistrikt.
Åse Wetås, direktør i Språkrådet, har vore alt anna enn nøgd med namnet. Under Språkdagen i fjor haust sa ho at Språkrådet bad Oslo kommune om å oppretta ei formell namnesak, fordi ein kunne sjå på innovasjonsdistriktet som eit geografisk område. Då dette ikkje førte fram, sende Wetås brev til byrådsleiar Raymond Johansen.
Men no skriv Uniforum at området har fått eit norsk namn.
— Kunnskap er gullet
Kunnskapsbyen i Oslo skal barnet heita.
— Eg trur det er eit namn som alle vil synast er fint. For det er jo kunnskap som er sjøle gullet vårt, og som er heile substansen i alt me gjer. Eg trur det vil fungera godt, seier administrerande direktør Cathrine Wergeland Sørbye til Uniforum.
Og Språkrådet er nøgd, seier Wetås. Ho har tidlegare vist til at sjølv om Kunnskapsbyen i Oslo definerer seg som ei medlemsforeining, har det vore store, offentlege aktørar med. Då må ein følgja Språklova, har Wetås sagt.
Har gitt fagleg vurdering
— Det er eit veldig godt norsk namn, seier Wetås no til Uniforum, og fortel at Språkrådet har vore inne og gitt ei fagleg vurdering av det nye namnet.
No håpar ho at det nye namnet vert godt kjent.
— Eg er opptatt at dette blir bruksnamnet i all norsk samanheng, både i dokument på norskspråklege nettsider og i sosiale media.
Nyeste artikler
Hallelujastemning for dette studiet: — Viktig
Ber norske studentar «ta til gatene» for boikott av Israel
Fremskaffelsen av ny kunnskap er ikke tilstrekkelig for å klassifisere en aktivitet som forskning
Ingvild Kjerkol klager på fuskevedtak. Avgjørelse kommer tidligst i september
Studenter telter i protest: — Kaldt og masse mygg
Mener Kjerkol bør ta saken sin videre til Felles klagenemnd
Mest lest
Gruppa skal jobbe for mangfold og likestilling. 14 av 16 er kvinner
Professor ber dekan om å gå av: — Null tillit
Avlyser fire mastere på grunn av økonomisk svikt
Frykter at Norge sitter igjen med bare tysk, fransk og spansk om ti år
Høgskulestyret sa opp direktøren i lukka møte
Stipendiat ble tvunget til å avslutte sin doktorgrad. Tapte rettssaken