Skulle gjerne hatt Draghi som forskingsminister

Khrono har e-postintervjua eit knippe interessante personar i akademia på e-post om året som snart er over og om året som kjem. Intervjua kan du lesa fram mot jul.

FAKTA

Steinar Sæther

• Steinar Sæther er professor i historie ved Institutt for arkeologi, konservering og historie ved Universitetet i Oslo
• Sæther er nyvald leiar av Forskerforbundet

Steinar Sæther er nyvald leiar i Forskerforbundet. 

— Kva er det beste og det verste som har skjedd deg i jobbsamanheng i 2024?

— Beste: Interessa for det eg skriv om skandinavar i California under gullrushet og leiarvalet i Forskerforbundet. Verste: Samtalane med mellombels tilsette og deira uro for framtida

— Kva er det beste og verste som kan skje i 2025?

— Beste: Varig fred i Ukraina og Midtausten. Verste: at ein norsk Trump tek kontroll over oljefondet

— Korleis pregar den økonomiske situasjonen i sektoren arbeidskvardagen din? 

— Vårt institutt er ikkje mellom dei som er hardast råka. Likevel vert det planlagt for betydelege innstrammingar. Mange er uroa.

— Kven i akademia fortener ei julestjerne? 

— Guro Lind, for å ha vore modig og prinsippfast som leiar av Unio stat i lønsforhandlingane.

— Om du kunne valt heilt fritt, kven vil du ha som den neste statsråden for forsking og høgare utdanning? 

— Mario Draghi.

Fire kjappe:

— Fullfør setninga: Om eg var rektor for ein dag ville eg …

… lese om rektorperioden til matematikaren Antanas Mockus og late meg inspirera. 

— Kva står på julemenyen? 

— Ribbe, trur eg. Eg skal feira jul i Steigen for fyrste gong og gler meg stort.

— Kva gler du deg minst til med jula? 

— Slaps og regn.

— Kva MÅ vere på plass for at det skal bli ekte jul? 

— Godt selskap 

EU

Foreslår EU-ansatte forskere og stipend til de beste universitetene