175 millionar kroner til fem norske forskarar

Tre prosjekt leia frå Noreg (Principal Investigators) får støtte i den siste tildelingsrunden frå ERC Synergy Grant, stipend som blir gitt til grupper på to til fire framifrå forskarar. Totalt fem forskarar i Noreg er med i dei tre prosjekta.

Fire av forskarane er frå Universitetet i Oslo (UiO), den femte frå Havforskingsinstituttet.

Det er første gong Havforskingsinstituttet får finansiering frå ERC.

Etikk og biologi

Den samla løyvinga til dei tre prosjekta er på 27,95 millionar euro, som svarer til nær 330 millionar norske kroner. Av dette går om lag 155 millionar kroner til forskarane ved UiO, og 21 millionar til Havforskingsinstituttet.

Filosofiprofessor ved UiO, Anna Smajdor, leiar prosjektet Writing life the ethics of AI enabled synthetic DNA, med partnarar frå Havforskningsinstituttet og Universitetet i Valencia. 

Målet er ei tverrfagleg utforsking av syntetisk biologi, med biologar og filosofar som likeverdige partnarar.

— Feil retning

— Eg meiner forskarar innan etikk lenge har gått i feil retning når det gjeld forsking som knyter seg til levande organismar. Vi er har vore altfor fiksert på spørsmål om moral, status og kategorisering av, men gått glipp av andre viktige problemstillingar. Fordi vitskapen no er i stand til å designe og skape gensekvensar på måtar som er tilpassa spesifikke mål — for eksempel innan bevaringsbiologi og embryologi — møter vi nye utfordringar i bioetikken der dei tradisjonelle verktøya ikkje strekker til. Det krev nye tilnærmingar, noko som tildelinga av desse prosjektmidla gjer mogleg å få til, seier Samjdor.

Dei to andre forskingsleiarane som har fått tilslag på ERC-stipendet er UiO-arkeologane David Wright og Sanne Boessenkool, Andreas Kääb, UiO-professor ved Seksjon for naturgeografi og hydrologi og  Karen Filbee-Dexter ved Havforskingsinstituttet.

Totalt blei 701 søknader til ERC Synergy Grant vurdert, 66 — cirka 1 av 10 — får finansiering.