dag rune olsen
Blei vald til president:
— Det er sjølvsagt ei ære
UiT-rektor Dag Rune Olsen er vald til president for The Young European Research Universities Network (YERUN). Det synest han er stas.
![Dag Rune Olsen har blitt president. Portrett av Dag Rune Olsen](https://image.khrono.no/713858.webp?imageId=713858&width=960&height=548&format=jpg)
— Eg skal jobbe for at nettverket held fram med det gode arbeidet, og påverke EU sin forskings-, utdannings- og innovasjonspolitikk. Det vil òg tene UiT i på sikt.
Det uttalar rektor ved UiT Noregs arktiske universitet, Dag Rune Olsen, i ei pressemelding.
— Ei ære
På ei generalforsamling for YERUN nyleg blei Olsen vald til president for nettverket, som er eit europeisk universitetsnettverk for «unge» forskingsuniversitet.
— Det er jo sjølvsagt ei ære, seier rektoren.
YERUN har blant anna som hovudoppgåve å påverke og gje råd om EU sin politikk for å forme framtida til universiteta og ha ein reell innverknad på rolla og karakteren til høgare utdanning i Europa.
Nettverket skal også fremje samarbeid og transformative aktivitetar blant medlemmene, med sikte på å leggje til rette for forbindelsar.
22 medlemmer
Det er 22 universitet med i YERUN, i all hovudsak frå Vest-Europa. Frå Noreg er det berre UiT Noregs arktiske universitet og Universitetet i Søraust-Noreg (USN) som er medlem.
YERUN skal leggje til rette for samarbeid, men òg vere ei røyst for nettverket inn i Brussel, står det i pressemeldinga frå UiT.
Dag Rune Olsen seier at ein som del av nettverket får god og oppdatert informasjon om kva som skjer i EU.
— I tillegg lærer institusjonane i nettverket av kvarandre, vi byggjer ein felles oversikt over EU sine utlysingar, og søkjar samarbeid der dette er mogleg, seier Olsen.
Nyeste artikler
Han er en av åtte menn på studiet. 70 er kvinner
Anne Borg blir styremedlem i EU-institutt for innovasjon
Kjempet for å få tilbake vitnemålet — nå har han tapt i to rettsinstanser
Sommerlektyre for genier
Kritisk mangel på studentboliger i Norge
Mest lest
Etter at han ble pensjonist, har han tatt fire mastergrader
Vedtok endring av rasistiske plantenamn. — Eg er glad, stolt og letta
Kan Kaptein Morf lære barn om de minste delene av språket?
« … det handler ikke bare om å utdanne en elite …»
Forskere sperrer innsjekk på Gardermoen