Desse 40 organisasjonane får til saman 175 millionar kroner

— Noreg har solide forskingsmiljø, som har idear og resultat med stort potensial for verdiskaping.

Det slår forskings- og høgare utdanningsminister Oddmund Hoel (Sp) fast i ei fersk pressemelding frå Kunnskapsdepartementet (KD).

40 forskingsorganisasjonar får no tildelt til saman 175 millionar kroner, som skal nyttast til å styrke arbeidet med å bringe forskingsresultat ut i marknaden.

Sjå kven som få kva nedst i artikkelen!

— Viktig for konkurransekrafta

— Regjeringa har jobba for at offentlege løyvingar til forsking og utvikling i større grad blir omsett til verdiar og arbeidsplassar i heile landet. Det er viktig for norsk konkurransekraft, seier Oddmund Hoel.

Då det blei mogleg å søka om desse midlane i fjor, fekk Forskingsrådet inn 34 søknadar frå 40 forskingsorganisasjonar.

At så mange har søkt, viser at forskingsinstitusjonane og helseføretaka er klare til å utvikle strukturen og kompetansen som trengst for å utvikle nye produkt, tenester og oppstartsbedrifter, sier statsråd Hoel.

forskningstillit

Ny rapport: Høy tillit til forskere

— Omstilling og vekst

Forskingrådets kommersialiseringsstøtte skal bidra til auka kommersiell bruk av offentleg finansiert forsking. Denne tildelinga dreier seg om å styrke den tidlege fasen av kommersialiseringsarbeidet hos forskingsorganisasjonane, den såkalla TTO-funksjonen, står det i pressemeldinga.

Næringsminister Cecilie Myrseth (Ap) seier at tildelinga som kjem no vil styrka støtta til teknologioverføringsarbeidet ved forskingsorganisasjonane.

— Såleis kan lovande forskingsresultat utviklast og gi grunnlag for nye næringar, omstilling og vekst i næringslivet, seier Myrseth.