Harvard svarer Trump med nytt søksmål

I går vart det kjent at Trump-administrasjonen gjekk til eit nytt steg i forsøket på å ta kontroll over det prestisjetunge Harvard-universitetet. 

Eit brev sendt frå Trumps tryggleiksminister, Kirsti Noem, gjorde det klart at  programmet som gir studentane rett til å opphalde seg lovleg i USA under studia skal trekkast tilbake.

Nær 7000 av Harvards 25.000 studentar kjem frå andre land enn USA.

USA

Trump vil stanse utenlandske studenter ved Harvard. — Utrolig trist

Fredag, under eit døgn etter beskjeden om blokkeringa av internasjonale studentar, har Harvard gått til søksmål mot avgjersla.

— Dette er ei ulovleg og grunnlaus handling, som vi fordømmer, skriv president ved Harvard, Alan M. Barber, i eit brev referert i New York Times.

Dette er andre gong på kort tid at Harvard går til søksmål. 

Første gong var i april, etter at Trump-administrasjonen stansa overføringar av tilskot tilsvarande 24 milliardar norske kroner. Grunnen til pengefrysen var at Harvard nekta å godta ei rekke inngripande krav frå styresmaktene.

Også denne gongen seier Trump-administrasjonen at dei grip inn fordi Harvard ikkje har oppfylt krava.

Harvards toppleiar meiner derimot at Trump-administrasjonen straffar universitet for utøve grunnlovsfesta rettar.

Oppdatering 26.6.2025: Kort tid etter Harvards søksmål vart Trump-administrasjonen mellombels kjent rettsleg ugyldig av ein føderal dommar.

USA

Harvard saksøker Trump-administrasjonen