Khrono i ny «bunad»

Khrono har endra utsjånad dei siste dagane, som sikkert nokon har sett. Velkomne til Khrono 2.0.

— Vi har sett heilt lik ut sidan vi lanserte avisa og synest det var på tide med noko nytt etter snart sju år, seier redaktør Tove Lie.

— Tanken bak er at vi skal vere enno tydelegare og enklare å lese - i tillegg til litt finare å sjå på, legg ho til.

Den svenske designeren Jacob Nordström står bak den nye ansiktsløftinga og utviklarar i PublishLab har også spelt ei viktig rolle for å få alt til å stemme i LabradorCMS
— Dette kjennes veldig bra, så langt - no skal vi berre jobba litt ekstra nokre dagar for å få nye Khrono til å sette seg, seier redaktøren.

(Eva Tønnessen / Khrono)