styremøte i volda
Skal tilsetja dekan og diskutera studentrekruttering
— Eg vil sjå djupt inn i augene den som veit korleis hausten vert, seier Volda-rektor Johann Roppen.

OBS! Denne artikkelen er mer enn tre år gammel, og kan inneholde utdatert informasjon.
Høgskulen i Volda har ekstra styremøte torsdag. På planen står tilsetjing av dekan ved Avdeling for mediefag, men òg fleire andre saker. Mellom anna skal styret diskutera språklege retningslinjer og studentrekruttering. Møtet går føre seg digitalt, og vil verta lagt ut her så snart det er ferdig.
Reiser ikkje kollektivt
Høgskulen i Volda hadde, som fleire andre studiestader, auke i talet på søkjarar via Samordna opptak. Både lærarutdanninga og mediefaga, som har mange studentar, har stor oppgang. Men spørsmålet er korleis hausten vert, og om alle desse studentane både vil takka ja og deretter flytta til Volda.
— Eg vil sjå djupt inn i augene den som vert korleis hausten vert, seier rektor Johann Roppen.
Han viser til at det er lite smitte i Volda og området rundt, at høgskuleområdet er langstrekt med fleire bygg, og at få studentar og tilsette nyttar kollektivtransport for å koma seg til høgskulen. Samstundes gjer avstandsreglane, som ein reknar med at ein framleis vil måtta nytta, at fleire av undervisningsromma rett og slett vert for små.
— Me reknar med at me vil måtte bruka meir digital undervisning og fleire av timane i døgnet. Dels fordi me kanskje vil måtte køyra same førelesingaP fleire gongar, dels fordi det vil verta større press på dei største undervisningsromma, seier Roppen.
Han seier at det er dei nye studentane ein vil prioritera når ein skal bestemma kven som skal få fysisk undervisning og ikkje.
— Dei skal òg læra seg å vera studentar, seier rektoren.
Dette skal dei diskutera
Dette er sakslista:
- 41/20 - Godkjenning av innkalling og sakliste
- 42/20 - Godkjenning av protokoll frå styremøte 23.4.2020
- 43/20 - Orientering frå rektor
- 44/20 - Høyringssvar frå Høgskulen i Volda: Ny lov om universiteter og høgskoler
- 45/20 - Avdelingsråd - medverknad
- 46/20 - Språkpolitiske retningsliner for Høgskulen i Volda
- 47/20 - Samordna opptak 2020 og rekruttering
- 48/20 - Tilsetting åremål
Nyeste artikler
Skeptisk til å dela språksenter i to
Vil opprette nytt forskningsfond som skal få ut mer penger fra private
Studenthus åpner dørene: — Skal ikke fylles med fest, basar og alkohol
Lektorutdanningene fikk gode skussmål i NOKUTs evaluering
Mest lest
Dei vil ta over rektoratet ved Universitetet i Bergen. — Har breiare erfaring
Professor ble innklaget til etikkutvalg fordi han ikke oppga religiøs tilhørighet
Norske forskere rammes av Trumps forskningskutt. — Helt horribelt
Norge ble ikke enig med storforlag. Forskere mister 1280 tidsskrifter