Anne Aasheim er død
Direktør for Kulturrådet og ekstern medlem i styret ved Universitetet i Oslo, Anne Aasheim er død, 53 år gammal. Ho har tidlegare vore sjefredaktør i Dagbladet og tilsett i NRK i over 20 år.
Publisert
Sist oppdatert
OBS! Denne artikkelen er mer enn tre år gammel, og kan inneholde utdatert informasjon.
Anne Aasheim fekk vita at ho hadde fått lungekreft med spreiing i fjor haust, og ho døydde i dag på Hospice Lovisenberg i Oslo, melder Kulturrådet i ei pressemelding.
Aasheim var direktør for Norsk kulturråd frå 2011 og fram til i dag.
Stor sorg
— Det er med stor sorg vi har mottatt budskapet om at Anne Aasheim er død. Hun var en usedvanlig dyktig leder med et stort hjerte for alle sine medarbeidere, seier fungerande direktør i Kulturrådet, Vibeke Mohr, melder NTB.
Vi vil savne henne intenst. Hun var en viktig stemme i vårt styre, og en viktig stemme i samfunnet i stort.
Anne Aasheim blei utnemnt til ekstern styrerepresentant i Universitetsstyret ved UiO i 2013 og har sete der fram til no. UiO-rektor Ole Petter Ottersen har sett stor pris på henne som person og styremedlem:
Viktig i styret
— Vi vil savne henne intenst. Hun var en viktig stemme i vårt styre, og en viktig stemme i samfunnet i stort. Hun brakte viktige perspektiver inn i vårt styrearbeid og vår strategi, og hun viste en raushet - faglig og menneskelig - som vi alle satte pris på, seier Ole Petter Ottersen i ein kommentar til Uniforum.
Frå 2006 til 2010 var ho sjefredaktør i Dagbladet. Tidlegare hadde ho både vore distriktsredaktør for NRK Østlandssendinga og leiar for nyhendedivisjonen i NRK. Anne Aasheim var fødd i Porsgrunn i 1962. Statsminister Erna Solberg er ein av mange kjende personar som uttrykkjer stor sorg og medkjensle med familien til Anne Aasheim i dag. Ho viser til at dei blei gode venner i ungdomstida i Unge Høgre.
Anne Aasheim var gift med Mette Tollefsrud, leiar for Institutt for barnehagelærerutdanningen ved Høgskolen i Oslo og Akershus (HiOA).
Logg inn med en Google-konto, eller ved å opprette en Commento-konto gjennom å trykke på Login under. (Det kan være behov for å oppdatere siden når man logger inn første gang)
Vi modererer debatten i etterkant og alle innlegg må signeres med fullt navn. Se Khronos debattregler her. God debatt!