Fleire akademikarar har søkt jobb for Grande sin kommisjon for ytringsfridom

I november i fjor vart det kjent at kulturminister Trine Skei Grande (V) ville setje ned ein ny ytringsfridomskommisjon, og det vart lyst ut to stillingar som sekreteriatsleiar og medarbeider.

Litt tidlegare i januar opplyste Kunnskapsdepartementet til Khrono at ingen var oppnemnte som medlemmar. No er søkarlista klar for dei to stillingane i kommisjonen.

Det var Medier24 som først skreiv om søkarlistene.

Les også:

Flere akademikere er skeptiske til en ny kommisjon om ytringsfrihet

Over 200 har søkt seg til dei to stillingane. Fleire av dei frå jobbar i akademia. Blant dei som har søkt på leiar-stillinga, finn vi både førsteamanuensis ved Handelshøyskolen BI, Tor Bang, universitetslektor Kathrine Fosshei ved Nord universitet og universitetslektor Marte Høiby ved OsloMet.

Også tidlegare historieprofessor ved Universitetet i Stavanger, Nils Rune Langeland, ønskjer jobben som sekreteriatsleiar. I 2018 fekk Langeland avskil frå stillinga si ved universitetet blant anna på grunn upassande oppførsel.

Skal sjå på ytringsfridomen i ei digital verd

Kulturministeren håper arbeidet til den nye kommisjonen kan vere med å skape meir offentleg debatt om ytringsfridom og vil at kommisjonen skal sjå på om vi har nye verkemiddel som best mogleg kan sikre ytringsfridomen i ei ny digital verd.

Den førre ytringsfridomskommisjonen kom med sin rapport i 1999. No skal den nye kommisjonen levere sin rapport innan slutten av 2021.

Under er søkarlistene både for stillinga som sekreteriatsleiar og sekreteriatsmedarbeider.