Historisk gjennomslag for studiestøtte. — Ein stor siger

— No skal vi feire!

Leiar i Norsk studentorganisasjon (NSO), Sigve Næss Røtvold, jublar etter at det i siste runde blei klart at studiestøtta skal knytast til grunnbeløpet i folketrygda, ofte omtalt som G. Det inneber i praksis at støtta skal regulerast i takt med prisveksten, eit krav studentane har kjempa for i mange år.

— Det er utruleg gledeleg at vi er blitt lytta til. Dette har vore eit mål og eit krav for oss for å kunne sikre ein føreseieleg økonomisk situasjon for studentane i Noreg. Det er ein stor siger. Vi forventar no at regjeringa så raskt som mogleg sørger for å sette i verk dette, seier NSO-leiaren.

statsbudsjettet

Lover at universiteter og høgskoler blir skjermet

SV vann fram

Eit forslag frå SV om å knyte studiestøtta til folketrygda i komande statsbudsjett vart nedstemt av Stortinget før sommaren. 

Arbeidarparitets forslag var å i staden gjennomføre dette i løpet av komande stortingsperiode. Då regjeringa la fram forslag til statsbudsjett i oktober, var studiestøtta ikkje med. 

I budsjettavtalen som Ap, SV, MDG og Raudt vart einige om natt til onsdag, etter eit dramatisk forhandlingsløp, vann SV til slutt fram med dette kravet.

statsbudsjettet 2026

Fant penger til satsing på næringsforskning

Ikkje lågare sats

— SV har kjempa for studentane til siste budsjettime og sikra ein historisk siger. Endeleg skal studiestøtta knytast til grunnbeløpet i folketrygda og det kjem med ein klar garanti: Ingen studentar skal få mindre enn i dag, seier Sunniva Holmås Eidsvoll, som er utdanningspolitisk talsperson i SV.

Også Akademikerne, som  om organiserer 40 000 masterstudentar, jublar.

Samstundes meiner dei dagens studiestøtte, som tilsvarer 1,28 G, må leggast høgare.

– Vi meiner studiestøtta bør vare minimum 1,5 G. Det betyr fortsatt at studentane må jobbe ved sida av, men det gir dei moglegheit til å først og fremst vere studentar, seier Lise Lyngsnes Randeberg, leiar i Akademikerne, i ei pressemelding.

I budsjettavtalen heiter det:

Stortinget ber regjeringen fremme forslag i løpet av 2026 om å regulere størrelsen på studiestøtta gjennom grunnbeløpet i folketrygda. Størrelsen kan ikkje innebere lavere sats enn de som utbetales i dag.