Tilbake til campus

Pølser og graut for å ønska studentane velkommen tilbake

Dronning Mauds Minne Høgskole er så glade for å få studentane tilbake at dei har servert pølser heile veka.

Uannonsert pølsegrilling for å hindra kø og tilsette med munnbind som har servert. Slik var velkomsten når barnehagelærarane endeleg kunne koma tilbake til campus i Trondheim.
Uannonsert pølsegrilling for å hindra kø og tilsette med munnbind som har servert. Slik var velkomsten når barnehagelærarane endeleg kunne koma tilbake til campus i Trondheim.
Publisert Oppdatert

OBS! Denne artikkelen er mer enn tre år gammel, og kan inneholde utdatert informasjon.

Starten på det nye året vart mørk og bratt for mange. Men i tillegg til at lyset sakte men sikkert kjem tilbake, kan no i alle fall nokre studentar få fysisk undervisning på campus.

Faklar i vintermørket for å ønska studentane velkommen tilbake i Trondheim.
Faklar i vintermørket for å ønska studentane velkommen tilbake i Trondheim.

Ved Dronning Mauds Minne Høgskole for barnehagelærarutdanning (DMMH) i Trondheim var dei tilsette så glade for å få studentane tilbake at dei hadde pynta med faklar og vimplar. Til lunsj måndag vart det fyrt opp i bålpanner, og forbipasserande studentar har fått pølser og varm saft kvar dag heile veka.

— Det går rykte om at det gjekk med fleire hundre pølser allereie første dagen, heiter det i ei melding på DMMH sine nettsider.

Også Høgskulen i Volda set pris på at studentane er tilbake i bygda. Også her skjer noko undervisning fysisk på campus. I tillegg kan studentane få gratis frukost i kantina. Heile 30 kilo graut har det så langt gått med kvar dag.

– Me vil gjerne legga til rette for ein sosial møteplass for studentar, innanfor trygge rammer, og trur dette kan bli det. Kanskje kan det også gjera det litt enklare å strukturere kvardagen for studentane. Me gler oss til å sjå fleire studentar på høgskuleområdet igjen, seier Odd Helge Mjellem Tonheim, prorektor ved HVO, i ei melding på høgskulen sine nettsider.

Powered by Labrador CMS