Exit for studiet av praktisk kunnskap ved Nord universitet

Denne teksten er et debatt­inn­legg. Inn­holdet i teksten uttrykker forfatterens egen mening.

Alle som arbeider i UH-sektoren veit kor vanskeleg det å setje i gang og halde gåande tverrfaglege og tverrfakultære FoU-miljø og utdanningsprogram. For Nord universitet er dette i tillegg eit satsingsområde (sak i styret 16/2023). 

Rektor og styret har i vår fått forslag om vidareføring av ein revidert versjon av det tverrfagleg programmet «master i praktisk kunnskap» på bordet frå dekanen ved Fakultet for lærarutdanning (FLU), eit forslag som vart avvist av styret. Dekanen og rektor føreslår no i tillegg å leggje ned heile masterprogrammet «praktisk kunnskap» i studieportefølje-saka som kjem til styret 19. juni. 

opptak

Avlyser over 60 studier i årets opptak

I begge tilfelle er dette program som er relativt enkle å organisere, det krevst ikkje store ressursar og etter ei stor omlegging for to år sidan, går det isolert sett i dag med inntekt og har god gjennomstrøyming.

Ei slik nedlegging er ei lita sak og høyrest kanskje udramatisk ut i ei tid med tronge økonomiske kår, men har store konsekvensar og kan også stå fram som lite strategisk. Sagar Nord universitet av den greina det sit på?

Fagmiljøet i praktisk kunnskap (profesjonspraksis) har sidan starten for 25 år sidan arbeidd med profesjonsforsking i tråd med det Profesjonsmeldinga no etterlyser: forsking på arbeidspraksis generelt og integrering av praksisbasert kunnskap i utdanningane. 

Ved Nord universitet (Høgskolen i Bodø, Universitetet i Nordland) var studiet og forskingsprogrammet eit reelt satsingsområde, sentralt i oppbygginga av universitetet og éin av hovudbjelkane i re-akkrediteringa av programmet «Studiar i profesjonspraksis» (no «Profesjonsvitskap») i 2021—22.

Debatt ● McGuirk, Halås og Fuglseth

Praktisk kunnskap og profesjons­utdanningene

Fagfolka i miljøet har etablert seg som eit internasjonalt anerkjent nordisk senter for studiet av profesjonspraksis og fagområdet praktisk kunnskap. Miljøet har bidratt til utvikling av fagområdet gjennom ei rad tverrfaglege antologiar. I dag arbeider fagfolk frå tre av fakulteta på universitetet med programmet, men det er organisatorisk plassert på eitt av dei (FLU, med dekan på Levanger). 

Ei nedlegging av eit masterprogrammet i praktisk kunnskap er samstundes ei faktisk nedbygging av heile dette tverrfaglege FoU-miljøet i studiar av profesjonspraksis. Slik vi ser det, skjer dette utan at ein har tenkt gjennom konsekvensane på sikt eller prøver å finne alternative grep. Vi etterlyser ein plan for dette og ventar at fagfolka sjølve vert involverte i det.

lærerutdanning

Frykter at virkelighets­fjern teori gjør at studenter vender ryggen til det akademiske