Nord universitet skal diskutere pengebruk

«Prosjekt økonomisk omstilling» på den ene siden — og «satsingsforslag utenfor rammen» på framtidige budsjett er blant sakene på sakskartet når styret ved Nord universitet skal møtast i Stjørdal onsdag.

FØLG STYREMØTET direkte får klokka 08.30.

Fulle kull

Ei lengre tiltaksliste for å bruke mindre pengar i drifta er under utvikling. Mellom anna må studieprogramma bli meir effektive, går det fram av sakspapira. 

«I hovedtrekk handler det om at vi har fulle kull for hvert studieprogram som utlyses. Endringene som skjer i studentenes preferanser, gjør at vi kontinuerlig må justere måten vi tilbyr studiene på for å sikre at vi treffer målgruppen og får fulle kull», heiter det.

Det blir også åtvara mot like tilbod på same stad eller «på flere steder der det er risiko for «internkonkurranse» og det må diskuteres hva som er hensiktsmessig å tilby hvor». 

Nord universitet har åtte studiestader, fordelt over to fylker.

Millionar til nytt senter

Styret skal også vurdere kva det skal brukast meir pengar på.

Satsingar «utenfor rammen» fram mot budsjettet for 2025 legg opp til at det skal setjast av 30 millionar kroner til eit nytt nasjonalt senter for beredskap og samvirke. I forslaga er det sett av 8 millionar i 2025 til etablering av Nasjonalt senter for lule- og sørsamisk språk og kultur. Likeins skal det brukast meir pengar på få Blått bygg på plass, som er del av universitetet si havsatsing. 

Også vidare utvikling og tiltak for studiestaden på Nesna har fått plass på sakskartet til Nord-styrets møte i september.