VG og DN: Sigrun Aasland vert ny forskingsminister

Måndag kveld erfarer fleire aviser at Sigrun Aasland (Ap) vert ny forsking- og høgre utdanningsminister etter Oddmund Hoel (Sp). 

Aasland er i dag statssekretær i Klima- og miljødepartementet.

Det er venta at statsminister Jonas Gahr Støre presenterer dei nye medlemene i regjeringa tysdag føremiddag. 

I alt er det åtte statsrådspostar som står tomme etter at Senterpartiet gjekk ut av regjeringa på grunn av usemje rundt innføringa av EU si fjerde energimarknadspakke torsdag. 

Oddmund Hoel greidde akkurat å passera eitt år i statsrådsstolen før partiet hans trekte seg frå regjeringssamarbeidet med Ap. 

Hoel var den tredje statsråden for forsking- og høgre utdanning i Ap/Sp-regjeringa som gjekk på i 2021. Dei to første var Ola Borten Moe og Sandra Borch. 

Brudd i regjeringen

Exit for Oddmund Hoel etter ett år og en uke

Måndag kveld melder både DN og VG at det er 46 år gamle Sigrun Aasland frå Grimstad som vert den fjerde statsråden Støre peikar ut til å leia dette departementet. 

Sigrun Aasland har mastergrad i økonomi og internasjonale relasjonar. 

Ifylgje nettsidene til regjeringa har Aasland ei fortid som leiar i miljøstiftinga ZERO. Ho har vore nestleiar i tankesmia Agenda, og ho har også bakgrunn frå Econ, Norfund, som dagleg leiar i analyseselskapet Damvad og frå Verdsbanken.

Kommentar: Tove Lie

Det er et ingen sorg å spore i akademia over at Senterpartiet har forlatt regjeringen