universitetet i bergen
Borge ny fakultetsdirektør
Ove Borge vart konstituert då fakultetsdirektør Ørnulf Lillestøl måtte gå. No er Borge fast tilsett i stillinga.
– Vi er veldig glade for å få Ove med på laget, han har lang og brei erfaring og han kjenner fakultetet og UiB svært godt, seier Robert Rastad, universitetsdirektør ved Universitetet i Bergen (UiB) i ei melding på eigne sider.
Som Khrono har skrive, måtte fakultetsdirektør ved Det psykologiske fakultetet, Ørnulf Lillestøl, gå på dagen i vinter. Årsaka var sagt å vera usemje med nettopp Rastad, men som Khrono har skrive, hadde det kome to varsel mot Lillestøl.
Ove Borge vart konstituert i stillinga då Lillestøl gjekk. Han var ein av sju søkjarar då stillinga vart lyst ut i vår. No er han tilsett.
Borge har vore tilsett ved UiB sidan 2003 og har vore assisterande fakultetsdirektør ved Det psykologiske fakultetet sidan 2008.
— Eg har fungert i fleire periodar og kjenner stillinga. Eg har likevel tenkt grundig gjennom det, seier Borge til eigne nettsider.
Vidare seier han at han set pris på dei tilsette og at det er eit bra fakultet med interessante og samfunnsaktuelle fagområde.
— På trass av dette kjennest det likevel litt som å gå ut på isen. Det vert jo noko anna no når det er på alvor, så eg kjenner på ansvaret og tilliten.
Nyeste artikler
Litt mer «Pørni-effekt», takk
Ønsker markedsorientert forskning — nå overtar Ungarn formannskapet i EU
Kronprins Haakon hedret deltakerne i finalerunden
Anette (19) vil bli lærer. Se søkertallene til lærerutdanningene landet rundt
Slipp den erfaringsbaserte MBAen løs
Mest lest
Professor ber dekan om å gå av: — Null tillit
Litt tyngre å få jobb med master
Frykter at Norge sitter igjen med bare tysk, fransk og spansk om ti år
Student ble tatt for fusk og saksøkte Kunnskapsdepartementet. Nå har hun tapt i to rettsinstanser.
Avlyser fire mastere på grunn av økonomisk svikt