Fleire smitta studentar i Bergen

Laurdag kveld melde Universitetet i Bergen (UiB) at dei har fått melding om sju nye koronasmitta studentar siste døgeret.

Ifylgje Bergens Tidende fekk universitetet melding om to smittetilfelle fredag kveld og fem meldingar laurdag.

Denne veka vart det også kjent at fleire tilsette ved universitetet er smitta med den indiske mutasjonen av koronaviruset.

Fhi og helsedirektoratet

Tror fadderuka kan gå som normalt i august

Også ved Høgskulen på Vestlandet er det meldt om koronasmitta studentar.

Fredag sa smittevernoverlege i Bergen, Egil Bovim til Bergens Tidende at dei ikkje har kontroll over studentutbrotet, som truleg heng saman med sosiale samlingar i byparkane førre helg.

Så langt er det meldt om fem smitta studentar ved Høgskulen på Vestlandet.

På heimesidene til Bergen kommune blir det opplyst at det er registrert 26 nye smitta siden forrige rapport.

Her er fordelinga på aldersgrupper: 3 (6-12), 10 (20-29), 2 (30-39) 1 (40-49), 6 (50-59) og 4 (60-69).

• 17 er nærkontaktar og ein er importsmitte. To har ukjent smitteveg og seks har usikker smitteveg. Eitt av tilfella er ein positiv hurtigtest der kommunen ventar på endeleg svar.
• 1903 personer testa seg i Bergen i løpet av fredag 7. mai.

— Smittetalet i Bergen held fram med å vere høgt, seier smittevernoverlege Frank van Betten.

Universitetet i Bergen

Smitteutbrudd ved UiB knyttes til indisk virusvariant