NSO-val 2020
Frå Volda og ut i verda
Trym Nikolas Rimmen stiller til val som internasjonalt ansvarleg i NSO.
![Trym Nikolas Rimmen er frå Flora, har studert i Volda - og ønskjer gjerne å flytta på seg for å verta ein del av NSO-leiinga. Foto: Privat](https://image.khrono.no/467946.webp?imageId=467946&x=8.87&y=30.58&cropw=70.21&croph=46.71&width=864&height=432&format=jpg)
OBS! Denne artikkelen er mer enn tre år gammel, og kan inneholde utdatert informasjon.
— Eg har alltid vore interessert i å jobba for like moglegheiter for andre, seier Trym Nikolas Rimmen.
Han leier studentparlamentet ved Høgskulen i Volda. No stiller han til val som internasjonalt ansvarleg i Norsk studentorganisasjon (NSO).
Tre viktige punkt
24 år gamle Rimmen er i ferd med å avslutta ein bachelorgrad i musikk ved Høgskulen i Volda.
— Eg syng, og latar som eg spelar piano, humrar han.
Han har tre punkt som er viktige for han når han stiller til val etter påske.
I botn og grunn er alle berre studentar.
Trym Nikolas Rimmen
— Universell moglegheit for utveksling, mest mogleg berekraft i sektoren og korleis ein tek imot studentar som kjem utanfrå.
— Korleis kan ein ta betre imot dei som kjem hit?
— NSO jobbar for å fremja god integrering, men mykje av dette arbeidet må òg skje lokalt. Ein må til dømes tenkja på at ein ikkje plasserer internasjonale studentar i ei eiga studentbustadblokk. I botn og grunn er alle berre studentar, seier Rimmen.
Vil gi alle sjanse til å reisa
Tidlegare forskings- og høgare utdanningsminister Iselin Nybø meiner at fleire studentar bør reisa på utveksling og hadde som mål at det skulle bli obligatorisk i studieplanane. Rimmen meiner alle bør få moglegheita.
— Det er ønskeleg at mange reiser. Men i dag er det slik at det for mange ikkje er eit alternativ å reisa dersom dei har ei funksjonshemming.
Nyeste artikler
Han er en av åtte menn på studiet. 70 er kvinner
Anne Borg blir styremedlem i EU-institutt for innovasjon
Kjempet for å få tilbake vitnemålet — nå har han tapt i to rettsinstanser
Sommerlektyre for genier
Kritisk mangel på studentboliger i Norge
Mest lest
Etter at han ble pensjonist, har han tatt fire mastergrader
Vedtok endring av rasistiske plantenamn. — Eg er glad, stolt og letta
Kan Kaptein Morf lære barn om de minste delene av språket?
« … det handler ikke bare om å utdanne en elite …»
Forskere sperrer innsjekk på Gardermoen