samordna opptak
Hardt ut mot statsråden si olje-oppmoding
Unge bør søkja seg til oljeretta utdanning, meiner forskings- og høgare utdanningsminister Ola Borten Moe. Fleire reagerar.
Både Miljøpartiet de grønne (MDG) og Natur og ungdom reagerer etter at forskings- og høgare utdanningsminster Ola Borten Moe (Sp) sa til NRK at han oppmodar unge om å søkja oljeutdanning. Fristen til Samordna opptak er som kjent 20.april.
— Det er den største og viktigaste næringa i Noreg. Me har brukt femti år på å bygga opp kompetanse innanfor olje og gass. No er det få som søkjer, me treng større interessa, sa Borten Moe til NRK onsdag morgon.
Han viser til tal Kunnskapsdepartmentet har henta inn: I 2013 var det nær 7500 unge som søkte seg til oljerelaterte utdanningar. I fjor var talet 6000 færre.
MDG: Dårleg råd
Rasmus Hanssson, stortingsrepresentant for MDG, skriv i ein sms til Khrono at det er eit dårleg råd å be studentar om å ta fag verda er på veg vekk frå, og endå dårlegare å lura studentar til å satsa studiegjeld og framtid på noko dei snart må ut av.
— Det er ikkje spesielt musikalsk at forskingsministeren er mest oppteken av å få studentar til å investera framtida si i ei næring han sjølv tener millionar i. Men det mest problematiske er at forskingsministeren nektar å sjå det både studiestadane og nye studentar ser godt, nemleg at framtida treng alt anna enn nye petroleumsspesialistar, seier Hansson.
Også Natur og Ungdom reagerer.
— Nesten litt uansvarleg, seier nestleiar Simon Balsnes til NRK, og viser til den ferske rapporten frå FN sitt klimapanel.
— Borten Moe representerer det partiet som aller mest hardnakka nektar å halda seg til forsking. All forsking ber verda om å med ein gong slutta å leita etter olje og gass, og slutta å produsera det rundt 2035, skriv Hansson.
Viser til det grøne skiftet
Borten Moe viser til at sjølv om ein skal gjennom eit grønt skifte, treng ein dei store petroleumsselskapa.
— Det er desse som har løftekrafta, både økonomisk og industrielt, til å gjennomføra denne typen omstillingar og investeringar me treng når ein etter kvart skal over på andre energiformer, seier statsråden til NRK.
Han seier det er statsråden som snakkar - ikkje eigaren av eit oljeselskap. Borten Moe har vore medeigar av eit norsk oljeselskap sidan 2015.
Balsnes seier seg samd i at petroleumsingeniørar og andre som jobbar innanfor petroleumsfeltet sit på mykje kunnskap, også kunnskap som vil kunne brukast i framtida.
– Men råda frå Ola Borten Moe byggjer jo på at han har ei forventning om ganske høg og langsiktig aktivitet innanfor fossil energi, ikkje innanfor dei nye løysingane.
Nyeste artikler
Ingvild Kjerkol klager på vedtaket om å annullere masteroppgaven
Studenter telter i protest: — Kaldt og masse mygg
Mener Kjerkol bør ta saken sin videre til Felles klagenemnd
Internasjonale studenter føler seg uvelkomne i Norge
Hallén får kritikk fra tidligere og nåværende styremedlemmer
Ny ordning som skal sikre småfagene på dagsorden
Mest lest
Gruppa skal jobbe for mangfold og likestilling. 14 av 16 er kvinner
Professor ber dekan om å gå av: — Null tillit
Avlyser fire mastere på grunn av økonomisk svikt
Frykter at Norge sitter igjen med bare tysk, fransk og spansk om ti år
Høgskulestyret sa opp direktøren i lukka møte
Stipendiat ble tvunget til å avslutte sin doktorgrad. Tapte rettssaken