Debatt ● Kristoffer Myklebust egset og Arne krumsvik
No er det tid for å tenkje nytt
NAV-støtte til studentar som mister jobben bryt med den vanlege måten å tenkje på. Men det er ei tid for alt.
OBS! Denne artikkelen er mer enn tre år gammel, og kan inneholde utdatert informasjon.
Denne teksten er et debattinnlegg. Innholdet i teksten uttrykker forfatterens egen mening.
Kjære arbeids- og høgare utdanningsminister Henrik Asheim.
Mange studentar har mista ekstrajobben og slit økonomisk. Vi er redd for at mange no gir opp å fullføre utdanninga. Det er eit problem både for den enkelte og for samfunnet.
Vi får tilbakemeldingar om at fleire enn vanleg er i ferd med å gi opp og vurderer å seie frå seg studieplassane sine. Og vi veit at for mange er vårsemesteret kritisk. Det er ingen grunn til å vente og sjå.
... vi veit at for mange er vårsemesteret kritisk. Det er ingen grunn til å vente og sjå.
Kristoffer Egset og Arne Krumsvik, Høyskolen Kristiania
Særleg på store studiestadar som Oslo og Bergen er det dyrt å leve. 8.200 kroner i månaden frå Lånekassa rekk ikkje til husleige, forsikring, kollektivtransport, mobil, internett, mat, klede og det ein elles treng i kvardagen. Løysinga på problemet er å ta seg ein deltidsjobb. Det gir også verdifull kontakt med arbeidslivet.
Så kjem pandemien, og jobbane forsvinn. «Vanlege» arbeidstakarar får bortfall av lønn kompensert av NAV. Studentane, som også har betalt sin skatt, får i staden tilbod om å ta opp meir lån.
Under ein spørjetime vi nyleg hadde for studentar ved Høyskolen Kristiania, fekk vi mange spørsmål om økonomi. No er det mange som opplever ein kritisk situasjon. Sjølv om komande vaksiner gir lys i tunnelen, må vi truleg leve med pandemien ei god stund til.
Studentar fortel oss at dei er såra, redde og frustrerte. Dei ønskjer ikkje å gi opp studiane. Det er sløsing med ressursane både for samfunnet og den einskilde kvar gong nokon gir opp å fullføre utdanninga.
Vi må unngå at hjelpetiltaka i ei vanskeleg tid verkar mot si hensikt. Løysinga er ikkje å tilby unge menneske endå meir gjeld. NAV-støtte til studentar som mister jobben bryt med den vanlege måten å tenkje på. Men det er ei tid for alt. No er det tid for å tenkje nytt.
Nyeste artikler
Ber næringslivet om å trø til: — Norge trenger dette
Universitetsutvikling under marknadsstyring
Rekordår for publisering ved Høgskolen i Molde
Studentar og professorar arresterte over heile USA. Nærmar seg 900
Er redd regjeringen lager A og B-lag i profesjonene
Disse utfordrer direktør Benjaminsen
Mest lest
Professor ber dekan om å gå av: — Null tillit
Gruppa skal jobbe for mangfold og likestilling. 14 av 16 er kvinner
Avlyser fire mastere på grunn av økonomisk svikt
Frykter at Norge sitter igjen med bare tysk, fransk og spansk om ti år
Høgskulestyret sa opp direktøren i lukka møte
Litt tyngre å få jobb med master