Sparka fleire hundre klimaforskarar. No hentar Trump inn skeptikarane

Det amerikanske energidepartementet har tilsett tre forskarar som er kjende for sin kritikk av klimavitskapen, skriv The New York Times.

Steven E. Koonin, er ein av dei, ein fysikar og forfattar av ei bok som omtalar klimavitskapen som «usikker». John Christy, er ein annan — ein kjend forskar frå University of Alabama, som har stilt seg kritisk til omfanget av menneskeskapte klimaendringar. Den tredje er Roy Spencer, som er meteorolog, og som har hevda at skyer har større innverknad på den globale oppvarminga enn menneske.

USA

Tar pengar frå Princeton. Skulda for «overdrivne og usannsynlege klimatruslar»

Mot konsensus

Koonin var også involvert i president Trumps første periode, og gjekk i bresjen for løfte fram kritikk av klimaforskinga, ifølgje The New York Times. 

Nesten alle klimaforskarar i verda over er samde om at klimaendringane i all hovudsak er menneskeskapte, og farlege, og skuldast brenning av fossil energi, som olje, gass og kol. 

Tilsetjingane av dei tre klimaskeptikarane kjem eit par månader etter at Trump-administrasjonen sa opp fleire hundre forskarar og ekspertar som arbeidde med ein sentral nasjonal rapport om korleis klimaendringane påverkar landet.

Kuttar klimaforsking

Ifølgje CNN arbeider Trumps apparat no med å oppheve eit nasjonalt vedtak frå 2009, som slår fast at klimaendringar utgjer ein trussel. Vedtaket har vore styrande for klima- og miljøpolitikken i USA.

Også løyvingar til klimaforsking generelt er blitt kutta kraftig ned.

 Trump har i tillegg foreslått å legge ned Det nasjonale instituttet for hav- og atmosfæreforsking (NOAA), som driv forsking og overvakingsstasjonar over heile USA.

USA

Curt Rice slår alarm om Fulbright: — Programmet kan bryte sammen