Dette studenttalet har dobla seg på sju år: — Ein juvel i utdanningssystemet vårt

Tilstandsrapporten for høgare yrkesfagleg utdanning viser at talet på fagskulestudentar i Noreg har dobla seg sidan 2017.

I 2024 var det over 34.000 studentar ved fagskulane, skriv regjeringa i ei pressemelding.

— Denne regjeringa satsar på fagskulane — ein juvel i utdanningssystemet vårt. For å lukkast med den grøne og digitale omstillinga vi skal gjennom, er vi heilt avhengige av fagskulane, seier forskings- og høgare utdanningsminister Sigrun Aasland (Ap).

Ofte lang arbeidserfaring

Studentane ved fagskulane har ofte lang arbeidserfaring og studerer ved sidan av jobb, står det i pressemeldinga frå regjeringa.

72 prosent av studentane følgde nett- eller samlingsbaserte utdanningar ved fagskulane i 2024. 74 prosent var deltidsstudentar, men det er store forskjellar mellom dei ulike fagområda. Fleire av utdanningane er kortare løp tilpassa folk i arbeid.

SAMORDNA OPPTAK

Rekordmange får tilbud om fagskolestudier

Direktør i Direktoratet for høgare utdanning og kompetanse (HK-dir), Sveinung Skule, meiner tala som no blir lagt fram tyder på at ein har lukkast med målet om tilgjengelege utdanningstilbod som er lausrivne frå geografi og livssituasjon.

Sigrun Aasland meiner at mindre detaljstyring og meir pengar frå regjeringa vil føre til at fagskulane får større fridom og betre moglegheiter til å tilpasse utdanningstilboda til skiftande behov i arbeidslivet.

Fagskolemelding

Advarte mot eksplosjon i studieavgifter for fagskolestudenter

Stortingsmelding

I 2024 var det totalt 419 ulike utdanningstilbod ved fagskulane, og over 34.000 studentar. Det er 2 500 fleire studentar enn i 2023.

63 fagskular, 18 offentlege og 45 private, tilbaud utdanning på 178 lærestadar i 2024. Trenden viser færre små, og fleire store fagskular. Sidan 2017 har talet på fagskular med 100 studentar eller færre gått ned, medan fagskular med over 1 000 studentar har auka.

Våren 2025 la regjeringa fram ei stortingsmelding om høgare yrkesfagleg utdanning. Meldinga vart behandla av Stortinget i mai.

Debatt ● May-Britt Sundal

Fagskoleutdanning er ikke en trussel — den er en mulighet